नवनिर्वाचित राष्ट्रपति रामचन्द्र पौडेलले आज शपथ लिंदै

५५३ पटक पढिएको

काठमाडौं । नवनिर्वाचित राष्ट्रपति रामचन्द्र पौडेलले आज साेमबार पद तथा गोपनीयताको शपथ ग्रहण लिनु हुने भएकाे छ ।

दिउँसाे १ बजे पौडेललाई कायम मुकायम प्रधानन्यायाधीश हरिकृष्ण कार्कीले पद तथा गोपनीयताको सपथ ग्रहण गराउनु हुने भएकाे हाे । नेपालको संविधानमा राष्ट्रपतिले आफ्नो कार्यभार सम्हाल्नुअघि संघीय कानून बमोजिम प्रधानन्यायाधीश समक्ष पद तथा गोपनीयताको शपथ ग्रहण लिनुपर्ने व्यवस्था रहेकाे छ ।

अहिले मुलुकमा प्रधनन्यायाधीश पद रिक्त रहेकाले कायम मुकायम प्रधनन्यायाधीश कार्कीले सपथ गराउनु हुने भएकाे हाे ।

नवनिर्वाचित राष्ट्रपति पौडेललाई साेमबार नै पदभार हस्तान्तरण गरेपछि राष्ट्रपति भण्डारीले साेमबार नै शितल निवास छोडी बुढानिलकण्ठ स्थित निजी निवासमा सर्ने तयारीमा हुनुहुन्छ ।