आईओसीले पठायो घटेको पेट्रोलियम पदार्थको मूल्य

१५७ पटक पढिएको

काठमाडौं । भारतीय आयल कर्पोरेसन (आईओसी)ले पेट्रोलियम पदार्थको मूल्य घटाएर पठाएको छ । नेपाललाई इन्धन बिक्री गर्दै आईरहेको आइओसीले नेपाल आयल निगमलाई पठाएको नयाँ मूल्यमा दर घटाएर पठाएको हो  ।

आईओसीले पठाएको नयाँ मूल्यअनुसार पेट्रोलको मूल्य लिटरमा ८६ पैसा र डिजेलको मूल्य लिटरमा १ रुपैयाँ ७४ पैसाले घटेको छ ।  अहिले नेपालमा पेट्रोल  १७८ रुपैयाँ प्रति लिटर र डिजेल तथा मट्टीतेल  १७५ रूपैयाँ प्रतिलिटरमा बिक्री भइरहेको छ ।

यस्तै खाना पकाउने ग्याँसको मूल्य प्रति सिलिण्डर १८ सय रुपैयाँ छ । निगमका अनुसार अन्तराष्ट्रिय बजारको मूल्य अनुसार आइओसीले मूल्य समायोजन गरेर पठाएको जनाएको छ ।