उपराष्ट्रपतिमा रामसहाय प्रसाद यादव निर्वाचित

२२३ पटक पढिएको

काठमाडौं । उपराष्ट्रपतिमा जसपाका रामसहाय प्रसाद यादव निर्वाचित भएका छन् । आज शुक्रबार भएको उपराष्ट्रपतिको निर्वाचनमा ३० हजार ३२८ मतभारका साथ यादव उपराष्ट्रपति निर्वाचित भएका हुन् ।

यसैगरी एमालेकी अष्टलक्ष्मी शाक्यले १६ हजार ३२८ मतभार र जनमत पार्टीकी ममता झाले २ हजार ५३७ मतभार प्राप्त गरेकी छन् ।

उपराष्ट्रपतिको निर्वाचनमा अष्टलक्ष्मी शाक्य (बोहरा), प्रमिला कुमारी, ममता झा र रामसहायप्रसाद यादव गरी चार उम्मेदवार थिए । रामसहायप्रसाद नेपालको तेस्रो उपराष्ट्रपतिमा निर्वाचित भएका हुन् ।

मुलुक सङ्घीय लोकतान्त्रिक शासन व्यवस्थामा प्रवेश गरेपछि पहिलो उपराष्ट्रपतिको निर्वाचन भएको थियो । पहिलो उपराष्ट्रपतिमा परमानन्द झा निर्वाचित भएका थिए । दोस्रो निर्वाचनबाट उपराष्ट्रपतिमा नन्दबहादुर पुन निर्वाचित भएका थिए ।