कुमारवर्ती बहुमुखी क्याम्पसको सभापतिमा नेविसंघका चापागाईं विजयी

४१२ पटक पढिएको

कावासोती — नवलपुरको कावासोती स्थित कुमारवर्ती बहुमुखी क्याम्पसको हिजो सम्पन्न स्ववियु निर्वाचनमा भारि मत अन्तरका साथ सत्ता गठबन्धन दलको विद्यार्थी प्यानल विजयी भएको छ ।

उक्त सम्पन्न निर्वाचनमा सभापतिमा नेविसंघका सुदिप चापागाईं, सचिवमा कुमार सिंजाली मगर, कोषाध्यक्ष वर्षा खरेल निर्वाचित हुन सफल भएका छन् ।

निर्वाचित चापागाईंले २ सय २९ मत ल्याउँदा उनका प्रतिस्पर्धी अनेरास्ववियुका गौरव अधिकारीले जम्मा ३९ मत ल्याएका छन् । कुमारवर्ती बहुमुखी क्याम्पसमा नेविसंघ र अखिल क्रान्तिकारीको संयुक्त प्यानल सहित चुनावी मैदानमा उत्रिएका थिए।

सचिवमा नेविसंघका कुमार सिंजाली मगरले २ सय १७ मत, प्रतिद्वन्द्वी अनेरास्ववियुका सृजना पौडेलले ४९ मत, कोषाध्यक्षमा नेविसंघका वर्षा खरेलले २ सय १२ मत ल्याएर विजयी भएका छन्। कोषाध्यक्षमा प्रतिद्धन्दी अनेरास्ववियुका सलिना भण्डारी जम्मा ४५ मत ल्याएर पराजित भएकी छन् ।

खुला सदस्यहरुमा सृजना श्रेष्ठ , कृष्ण रिजाल र लोकमाया दर्लामी मगर निर्वाचित भएका छन् । समानुपातिकतर्फ सदस्यमा नेविसंघकै पवन भुर्तेल , रेखा बस्याल , प्रतीक भुसाल , सीता न्यौपाने र सुशील महतो निर्वाचित भए।