आज र भोलि नारायणी किनारमा “चितवन साँस्कृतिक साँझ” हुने

२७५ पटक पढिएको

चितवन । नयाँ वर्ष २०८० को अवसर पारेर चितवनको नारायणी नदी किनारमा साँस्कृतिक साँझ आयोजना हुने भएको छ ।

एमएमबिकेएल इभेन्ट प्रालिको आयोजनामा आज बैशाख १ गतेदेखि भोलि २ गते सम्म नारायणगढ स्थित नदी किनारमा सांस्कृतिक साँझ आयोजना गरिएको हो ।

दिउँसो २ बजेदेखि राति ९ बजेसम्म कन्सर्ट हुने छ । कार्यक्रमका व्यवस्थापक सानु खड्काले साँस्कृतिक साँझमा पल शाह लगायतको उपस्थिति रहने जानकारी दिए ।

पल शाहसँगै कन्सर्टमा हिमाल सागर, उर्गेन दोङ,द साइन ब्याण्ड, सुनिल पण्डित (भोजपुरी गायक), एम।टी महर, जे।बि ओली, सागर ओली, मनिस खड्का, संचिता बोलाखे र सुप्रिम मल्लको उपस्थिति रहने छ । कन्सर्टमा २०० देखि ३०० रुपैयाँको टिकटको व्यवस्था गरिएको छ ।