नेपालले मलेसियालाई ६ विकेटले हरायो

१४० पटक पढिएको

काठमाडौँमा आजदेखि सुरु भएको एसीसी प्रिमियर कपमा नेपालले मलेसियाविरुद्ध सानदार जित हासिल गरेको छ । नेपालले मलेसियाविरुद्धको खेल ६ विकेटले जितेको हो ।

कीर्तिपुरथित त्रिभुवन विश्वविद्यालयको क्रिकेट मैदानमा भएको आजको उद्घाटन खेलमा नेपालले मलेसियालाई पराजित गर्दै विजयी सुरुवात गरेको हो । युवा अलराउन्डर कुशल मल्ल र भीम सार्कीको उत्कृष्ट शतकीय साझेदारी गरेपछि नेपाल ६ विकेटले विजयी भएको हो ।

नेपालले जितका लागि पाएको २३६ रनको लक्ष्य ३६.२ ओभरमा ४ विकेट गुमाएर पूरा गर्यो । आजको समूह ‘ए’को खेलमा टस जितेर पहिला ब्याटिङ रोजेको मलेसियाले निर्धारित ५० ओभरमा ९ विकेट गुमाएर २३५ रनको योगफल बनाएको थियो ।