रवि लामिछाने, रामप्रसाद र स्वर्णिम वाग्लेले आफैँलाई भोट हाल्न नपाउने

५९६ पटक पढिएको

चितवन । चितवन क्षेत्र नं. २ का उम्मेदवार रवि लामिछानेले र रामप्रसाद न्यौपानेले मताधिकार प्रयोग गर्न नपाउने भएका छन् । उनीहरुको नामावली चितवन क्षेत्र नं. २ मा नभएको हुँदा मताधिकार प्रयोग गर्न पाएनन्।

लामिछाने रास्वपाबाट उम्मेदवार छन् भने न्यौपाने एमालेका उम्मेदवार हुन् । यस्तै कांग्रेसका उम्मेदवार जितनारायण श्रेष्ठले भने मत खसालिसकेका छन् ।

त्यस्तै  राष्ट्रिय स्वतन्त्र पार्टीबाट तनहुँ क्षेत्र नं. १ को उम्मेदवार रहेका डा. स्वर्णिम वाग्लेले पनि आफैलाई भोट दिन नपाउने भएका छन्। उनको तनहुँ जिल्ला भन्दा बाहिर मतदाता नामावली रहेकाले आफैँलाई मतदान गर्न नपाउने भएका हुन् ।

अहिले चितवन, बारा र तनहुँमा बिहान ७ बजेदेखि नै शान्तिपूर्ण रुपमा मतदान सुरु भएको छ।