त्रिभुवन विमानस्थलको सञ्चार उपकरणमा समस्या, उडान प्रभावित

१४८ पटक पढिएको

त्रिभुवन अन्तर्राष्ट्रिय विमानस्थलको सञ्चार उपकरणमा समस्याका आएसँगै उडान प्रभावित भएका छन्।

विमानस्थल टावर र पाइलटबीचको सञ्चारमा समस्या देखिएसँगै आन्तरिक र अन्तर्राष्ट्रिय दुबैतर्फ एक घण्टादेखि उडान प्रभावित भएको विमानस्थल कार्यालयका प्रवक्ता टेकनाथ सिटौलाले बताए।

अहिले आकाशमा भएका जहाजलाई अवतरण गराउने काम भएपनि उडानमा भने अनुमति दिईएको छैन्।

‘जहाज अवतरणमा समस्या छैन। समस्या आउनुअघि नै उडिसकेका जहाजहरूलाई अवतरण गराइरहेका छौं,’ प्रवक्ता सिटौलाले भने, ‘उडान भने रोकिएको छ। ग्राउन्डमा भएका जहजहरूलाई पनि रिलिज गरिएको छैन।’

प्राविधिक टोलीले हाल समस्या समाधानको काम गरिरहेको छन्।