चितवन २ को मतगणना राती ९ बजेदेखि

१५१ पटक पढिएको

चितवन । चितवन २ को मतगणनाका लागि आवश्यक सबै तयारी भइसकेको मुख्य निर्वाचन अधिकृतको कार्यालयले जनाएको छ  ।  कार्यालयका अनुसार मतगणनास्थलमा तारजाली र सिसिटिभी जडान गरिएको छ । चितवन २ को मतगणना उद्योग संघको प्रदर्शनी केन्द्रमा हुने भएको छ ।

राति ९ बजेसम्म मतपेटिका संकलन गरि सर्वदलीय बैठक बसेर मतगणना सुरु गरिने तयारी छ ।

चितवनमा कुल १ लाख २४ हजार ६९५ मतदाताका लागि ४३ मतदान स्थलमा १३८ मतदान केन्द्र निर्धारण गरिएको थियो ।

मुख्य निर्वाचन अधिकृतको कार्यालयले बैशाख १३ गतेसम्ममा मतगणनाको पूर्ण नतिजा आउने विश्वास लिएको छ ।