रेशम चौधरीलाई सजाय माफी दिने मन्त्रिपरिषदको निर्णयविरूद्ध सर्वोच्चमा रिट

१३१ पटक पढिएको

काठमाडौं । टीकापुर घटनाका दोषी रेशम चौधरीलाई आममाफी दिने सरकारको सिफारिस विरुद्ध सर्वोच्च अदालतमा रिट पेश भएको छ ।

टीकापुर घटनामा मारिएका इन्स्पेक्टर केशव बोहराकी पत्नी शारदा बोहरा रिट लिएर सर्वोच्च अदालत पुग्नुभएको हो ।

बोहराले दिएको रिटमा सर्वोच्च प्रशासनले अध्ययन गरिरहेको छ ।

सरकारले सोमबार गणतन्त्र दिवसको अवसरमा चौधरीलाई आममाफी दिने गरी राष्ट्रपतिसमक्ष सिफारिस गरिसकेको छ ।

पीडित बोहराले यसअघि राष्ट्रपति कार्यालयमा चौधरीलाई आममाफी नदिन निवेदन दिनुभएको छ ।