माईखोला हाइड्रोको आईपीओ बाँडफाँट, १ लाख २६ हजारले पाए १० कित्ता सेयर

१९२ पटक पढिएको

काठमाडौं ।  माई खोला हाइड्रोपावर लिमिटेडले सर्वसाधारणमा विक्री गरेको आईपीओ बाँडफाँट गरेको छ ।

मंगलवार विहान विक्री प्रबन्धक प्रभु क्यापिटलको कार्यालयमा आईपीओको अन्तिम बाँडफाँट कार्य सम्पन्न भएको हो । कम्पनीले उक्त आईपीओको प्रि अलोटमेन्ट गत शुक्रवारनै सम्पन्न गरेको थियो ।

क्यापिटलका अनुसार कम्पनीको आईपिओ खरीदका लागि कुल १३ लाख ६३ हजार २६६ जनाको आवेदन परेको थियो । कुल आवेदकहरूमध्ये १२ लाख ६७ हजार २८५ जनाको आवेदन मात्र योग्य भएको छ । माग भन्दा बढीको आवेदन परेकोले योग्य आवेदकहरूलाई गोलाप्रथाबाट शेयर बाँडफाँड गरिएको हो । यो बाँडफाँटमा १ लाख २६ हजार ९४१ जना भाग्यमानी आवेदकले १० कित्ता शेयर प्राप्त गरेका छन् । यी मध्येका एक जना आवेदकले थप एक कित्ता गरी ११ कित्ता शेयर प्राप्त गरेका छन् ।