एमाले सांसद लक्ष्मी महतो कोइरी निलम्बित

४३६ पटक पढिएको

नेकपा एमालेका सांसद लक्ष्मी महतो कोइरी निलम्बनमा परेका छन्।  हत्या आरोप लागेका उनलाई मंगलबार निलम्बन गरेको संसद सचिवालयले जनाएको छ।

निलम्बन भएको सूचना टाँस गरी निलम्बनको जानकारी दिइएको हो।

महोत्तरी क्षेत्र नम्बर १ बाट निर्वाचित उनीमाथि सशस्त्र प्रहरीका असई थमन विकको हत्या गरेको आरोप छ। २०७२ भदौ २५ गते उच्च अदालत जनकपुरले उनलाई हत्या आरोपमा थुनामा राख्न आदेश दिएको थियो।

त्यसपछि फरार रहेका उनको खोजी गर्न सहयोग माग्दै प्रहरी प्रधान कार्यालय नक्सालले संसद सचिवालयलाई दुई पटक पत्र लेखेको छ।