गोरखा नगरपालिका शिक्षा शाखा प्रमुखको राजीनामा माग

२३७ पटक पढिएको

गोरखा । गोरखा नगरपालिकाका शिक्षा शाखा प्रमुख चन्द्र बहादुर खड्काको राजीनामा माग भएको छ । आधा दर्जन वडाध्यक्षहरुले उनको कार्यशैलीको आलोचना गर्दै तत्काल राजीनामाको माग गरेका हुन् ।

खड्काले स्थानीय सरकार सञ्चालन ऐन २०७४ को अवज्ञा गर्दै कामकारबाही गरेको वडाध्यक्षहरुको आरोप छ ।

शिक्षक नियुक्तिमा माध्यमिक तह पास भएर आएका शिक्षकहरुलाई फेल गराई आफ्नो नातागोतालाई सेटिङ गरी नाम निकालिदिनेलगायतका कार्य गरेको भन्दै वडाध्यक्षहरुले खड्काविरुद्ध प्रमुख प्रशासकीय अधिकृतलाई ज्ञापनपत्र नै बुझाएका छन् ।