चितवन मेडिकल कलेजमा अध्ययनरत छात्रा मृत फेला, शिक्षकले तनाव दिएको आरोप

३७४ पटक पढिएको

चितवन मेडिकल कलेजमा अध्ययनरत एकजना छात्रा भरतपुर-१० सप्तगण्डकी चोकमा रहेको कोठामा आज दिउसो मृत अवस्थामा फेला परेकी छिन् ।पोखरा नदिपुर घर भई हाल भरतपुरमा बसोबास गरि चितवन मेडिकल कलेजमा दन्त चिकित्सक चौथो बर्षमा अध्यनरत छात्रा बर्ष २३ कि सिमरन थापा कोठामा पंखामा झुन्डिएको अवस्थामा मृत फेला परेकि हुन् । मृतक थापा कलेज पोशाकमै छिन् ।

आज बिहान १० बजेवाट चलेको परिक्षामा सहभागी बिधार्थी थापा करिव सांढे ११ बजे तिर कोठामा फर्किएकि थिईन् । तर, परिक्षा १ बजे सम्म चलेको थियो ।उनी संगै कोठामा बसि एउटै कक्षामा पढ्ने दुईजना साथीहरू परिक्षा सकेर दिउसो १ बजे कोठामा फर्किदा थापा झुन्डिएको अवस्थामा देखेपछि प्रहरीलाई खवर भएको थियो ।

सप्तगण्डकि चोकको गंगावहादुर थापाको घरको पहिलो तलाको दुईवटा कोठा र एउटा किचन भाडामा लिएर मृतक थापा र उनका साथीहरू बिराटनगरकी अस्मिता ठाकुर र बुटवलकी रिदिका रिजाल बस्ने गरेका हुन् ।“हामी आउदाँ बाहिर पट्टिको जालि ढोकामा चुकुल लगाएको रहेछ , धेरै बोलायौं चिच्यायौ तर चुकुल नखोलेपछि बरण्डा तर्फबाट झ्यालमा गएर हेर्दा झुन्डिएको देख्यौं ” सिमरनकि साथि रिदिका रिजालले भनिन् ।
तिनैजना ओरल मेडिसिनको परिक्षा दिन कोठावाट संगै विहान १० बजे निस्किएका थिए ।“जाँच दिन जानु अघि अरु बेला भन्दा अलि मुड अफ चाहिँ देखेको थिएँ ,अरु खासै कुरा भएको थिएन ” भावविह्वल मुद्रामा रहेकि रिजालले भनिन् ।घटनास्थलमा प्रहरी पुगेको छ । पोखरामा रहेका मृतकका आफन्त आएपछि मात्रै शव निकालिने प्रहरीले जनाएको छ ।