गर्मी बढेपछि नवलपुरका चार पालिकाका विद्यालय बन्द

५४१ पटक पढिएको

प्रकाश भण्डारी । अत्यधिक गर्मीका कारण पठनपाठन तथा शैक्षिक गतिविधि संचालन गर्न समस्या आएको भन्दै नवलपुरको ४ पालिकाले विद्यालय बन्द गरेका छन्।

देवचुली नगरपालिका, कावासोती नगरपालिका, मध्यविन्दु नगरपालिका र बिनयी त्रिवेणी गाउँपालिकाले २ देखि ४ दिनसम्म विद्यालय बन्द गर्ने बताएका छन्।

पालिकाहरूले बर्षे बिदाबाट बिदा मिलान हुने गरि भोलि शुक्रबार १९ गतेदेखि २२ तथा २२ गतेसम्म बिद्यालय बन्द गर्ने भएका हुन्।

देवचुली नगरपालिका र कावासोती नगरपालिकाले भोलि शुक्रबार देखि लागूहुनेगरि जेठ २२ गते सम्म सम्पूर्ण विद्यालयहरू बन्द गर्ने निर्णय गरेका छ। त्यस्तै मध्यबिन्दु नगरपालिका र बिनयी त्रिवेणी गाउँपालिकाले भोलिदेखि २१ गतेसम्म बिद्यालय बन्द गर्ने निर्णय गरेका छन्।

नगरपालिकाले गर्मीको कारण विद्यार्थीलाई विद्यालय आउन जान असहजता सिर्जना भएकोले बिदा दिनु परेको जनाएको छ। अत्यधिक गर्मीका कारण पठनपाठन तथा शैक्षिक गतिविधि संचालन गर्न समस्या आएकोले र बिद्यार्थीसमेत बिरामी हुन थालेकोले विद्यालय बन्दगर्नुपरेको सूचनामा उल्लेख छ।