नवलपुरमा पत्रकार महासंघको नयाँ सदस्यताका लागि ८२ जनाको आवेदन, ११६ नवीकरण

८१५ पटक पढिएको

प्रकाश भण्डारी, नवलपुर, जेठ २५ । नेपाल पत्रकार महासंघ नवलपुर शाखाले आह्वान गरेको नयाँ सदस्यताका लागि ८२ जनाको आवेदन परेको छ।

आज जेठ २५ गते अन्तिम दिनसम्म जिल्लास्थित महासंघको कार्यालयमा जम्मा ८२ जनाले नयाँ सदस्यका लागि आवेदन दिएको नेपाल पत्रकार महासंघ नवलपुर शाखाका सचिव बिष्णु गौडेलले जानकारी दिनुभयो।

त्यस्तै नवीकरणका लागि ११६ ले आवेदन दिएका छन्। पत्रकार महासंघको सदस्यता परित्यागको स्वघोषणा गर्ने ४ जना र बिदेश शाखामा सदस्यता स्थानान्तरण गर्न निवेदन दिनेको संख्या ३ रहेको छ। त्यस्तै नवीकरणका लागि निवेदन पेश नगर्नेको संख्या १४ रहेको गौडेलले बताउनुभयो।

नेपाल पत्रकार महासंघद्धारा जारि “सदस्यता शुद्वीकरण मापदण्ड २०७९” भित्र रहेर नयाँ सदस्यका लागि प्राप्त आवेदन उपर महासंघको केही दिनमै बस्ने  बैठकले सो बिषयमा निर्णय गर्ने गौडेलले बताउनभयो।