शेयर बजारमा ३४.१७ अंकको वृद्धि

१९८ पटक पढिएको

काठमाडौं ।  शेयर बजार आज मंगलबार उच्च अंकले बृद्धि भएको छ। आज नेप्से ३४.१७ अंकको वृद्धि हुँदा कारोबार रकम भने ४ अर्ब पुगेको हो।

नेप्से ३४ अंकले उकालो लागेर २ हजार २० पुग्यो । सबै समूहमा हरियाली छाउँदा उत्पादनमूलक समूहमा सबैभन्दा उच्च ४ प्रतिशत माथिको वृद्धि आयो । जीवन बीमा समूहमा ३ प्रतिशत नजिकको वृद्धि आयो ।

लघुवित्त, व्यापार, होटल तथा पर्यटन, वित्त, निर्जीवन बीमा र वित्त समूह पनि २ प्रतिशत बढीले बढे । बाँकी पनि अधिंश समूहमा १ प्रतिशत हाराहारीको सुधार आयो । मंगलबार नेपाल स्टक एक्सचेन्जमा २ सय ७० कम्पनीको १ करोड बढी कित्ता शेयर ४ अर्ब १२ करोडमा किनबेच भएको एक्सचेन्जले जनाएको छ ।

मंगलबार बिन नेपाल लघुवित्त, भूगोल ईनर्जी र सीटी होटलका लगानीकर्ताले सबैभन्दा उच्च १० प्रतिशत हाराहारीमा कमाए ।