पुन: पहिरो खसेसँगै नारायणगढ–मुग्लिन सडक दुईतर्फी अवरूद्ध

९६ पटक पढिएको

चितवन। नारायणगढ–मुग्लिन सडक पटक पटक अवरुद्ध हुँदा यात्रुहरू मर्कामा परेका छन्।

चितवनको इच्छाकामना गाउँपालिका–५ स्थित तीन नम्बर पुलमा गए राति पुन: पहिरो खसेसँगै सडक दुईतर्फी रूपमै अवरुद्ध भएको इलाका प्रहरी कार्यालय मुग्लिनले बताएको छ।

पहिरोले गर्दा विद्युत्को पोल तथा तार अलपत्र परेको हुँदा  सो तार र पोल हटाएपछि पहिरो हटाईने प्रहरीले जानकारी गराएको छ।

गत बिहीबारदेखि पटक–पटक पहिरो खस्दा सडक अवरुद्ध भएसँगै हजारौँ यात्रु अलपत्र अवस्थामा रहेका छन्।