अप्पर स्याङ्गे हाईड्रोपावरको आईपीओ बाँडफाँट, ११ लाख ४४ हजारको हात खाली

१३७ पटक पढिएको

काठमाडौं । अप्पर स्याङ्गे हाईड्रोपावर लिमिटेडले सर्वसाधारणमा विक्री गरेको आईपीओ बाँडफाँट गरेको छ ।

कुल आवेदकहरूमध्ये रितपूर्वक नभएकाले २ हजार ३९९ जना आवेदकहरूबाट प्राप्त ३६ हजार ८२० कित्ताको खरीद आवेदन रद्द गरिएको छ । रितपूर्वक आवेदन दिएका ११ लाख ९८ हजार ७७ जना आवेदकहरूलाई बाँडफाँटमा सहभागी गराइएको थियो ।

योग्य आवेदकहरूमध्येबाट भाग्यमानी ५३ हजार ९५० जना आवेदकहरूले १० कित्ताका दरले शेयर प्राप्त गरेका छन् ।  योग्य आवेदकहरूमध्ये पनि ११ लाख ४४ हजार १२७ जना आवेदकहरूको हात खाली भएको छ ।

विक्री प्रबन्धक सिद्धार्थ क्यापिटलले शुक्रवार विहान नक्साल स्थित आफ्नै कार्यालयमा आईपीओ बाँडफाँट सम्पन्न गरेको हो ।