यी हुन् अवैध सुन प्रकरण पक्राउ परेका चार आरोपी (ठेगानासहित)

३७८ पटक पढिएको

काठमाडौँ । करिब एक सय किलो सुन बरामद प्रकरणमा हालसम्म पक्राउ परेका ६ जनामध्ये ४ जनाको नाम र ठेगाना खुलेको छ ।

जसअनुसार दोलखा मेलुङ गाउँपालिका–३ घर भई हाल काठमाडौं स्वयम्भू बस्ने ५३ वर्षीय रामकुमार भुजेल,  मेलुङ–३ घर भई हाल काठमाडौं साँखु बस्ने २१ वर्षका दीलिप भुजेल, भोजपुर अरुण गाउँपालिका–४ भई हाल बूढानीलकण्ठ बस्ने ४९ वर्षीय हर्कराज राई र भारत घर भई हाल काठमाडौं पानीपोखरी बस्ने भारतीय नागरिक वर्ष ५३ थाप्तेन छिरिङ पक्राउ परेका हुन् ।

विमानस्थल भन्सार गेटबाट सुन बोकेको बा.२ ज २३२४ नम्बरको ट्याक्सीलाई बुधबार एक सय किलो सुनसहित नियन्त्रणमा लिइएको थियो । बुधबार समातिएको झन्डै एक क्विन्टल बराबरको तस्करीको सुन बिहीबार टक्सार विभाग लगिएको छ । कडा सुरक्षाकाबीच सुनलाई टक्सार विभाग लगिएको हो ।