आँखा पाक्ने संक्रमण बढेपछि गैँडाकोटका विद्यालयमा दुईदिन बिदा

१९७ पटक पढिएको

अनिता गैरे,साउन २३ आँखा पाक्ने संक्रमण बढेपछि गैँडाकोट नगरपालिकाले सम्पूर्ण विद्यालय तथा शैक्षिक संस्था दुईदिन बन्द गर्ने भएको छ।

मंगलबार एक सूचना जारी गर्दै नगरपालिकाले साउन २५ र २६ गते दुई दिन बन्द गर्ने जानकारी गराएको हो।

केहि दिनदेखि संक्रमणको रूपमा देखिएको आँखा पाक्ने रोगको संक्रमण फैलिएसँगै विद्यालयमा समेत पठनपाठन गर्न सक्ने अवस्था नभएकोले हिउँदे/बर्षेबिदाबाट कट्टा हुने गरि नगरपालिका भित्रका सम्पूर्ण विद्यालय तथा शैक्षिक संस्थाहरू बन्द गर्न आग्रह गरेको छ।