कालीगण्डकी करिडोरको तरङ्गखोलामा डाईभर्सन निर्माण

१६२ पटक पढिएको

गैँडाकोट । कालिगण्डकी कोरिडोर अन्तर्गतको गैँडाकोट नगरपालिका वडा नं. ३ को सिमासँग जोडिएको तरङ्ग खोलामा ह्युमपाइप राखी डाईभर्सन निर्माण गरिएको छ ।

वर्षामा यातायात केही सहज गराउन ह्युमपाइप राखी अस्थायी डाइभर्सन निर्माण गरिएको गैँडाकोट ३ का वडा अध्यक्ष शिवकान्त तिवारीले जानकारी दिए ।

नवलपुरको गैँडाकोट पहाडी क्षेत्रमा आवतजावत गर्ने यात्रुले डाईभर्सन नहुँदा पानीको बहाव बढ्दा दुख व्यहोर्दै आएका थिए करिडोर अन्तर्गत पुल निर्माण कार्य सुरु भएपनि ठेकेदारको लापहरबाहीका कारण पुल निर्माणको काम रोकिएको छ ।तरङ्ग खोलामा आएको बाढीका कारण बिगत ४ दिन देखि यातायात अवरुद्ध भएको थियो ।