बाघको आक्रमणबाट एक जनाको मृत्यु

१७२ पटक पढिएको

काठमाडौं । पर्साको ठोरीमा बाघको आक्रमणबाट एक जनाको मृत्यु भएको छ ।

ठोरी गाउँपालिका– ५ सुवर्णपुरका ५० वर्षीय कान्छालाल दोङको बाघको आक्रमणबाट मृत्यु भएको हो । इलाका प्रहरी कार्यालय ठोरीका अनुसार घर भन्दा अलि परको गोठमा रहेका गोरु हेर्न गएका कान्छालाल नफर्केछि खोजी गर्ने क्रममा गए राती उनको शव बाघले आक्रमण गरेको अवस्थामा फेला परेको हो ।

        

उनको शरीरका विभिन्न भागमा बाघले आक्रमण गरेका निशान भेटिएको प्रहरीले जनाएको छ ।

गोठमा रहेका दुई वटा गोरु मध्ये एउटा गोरुलाई पनि बाघले आक्रमण गरेको र अर्को गोरु किला उखेलेर भागेको भेटिएको पनि प्रहरीले जनाएको छ ।