सेयर बजार ६.४५ अंकले घट्यो

१०५ पटक पढिएको

काठमाडौं । साताको कारोबारको तेस्रो दिन आज मंगलबार पनि सेयर बजार घटेको छ । आज नेप्से ६.४५ अंकले घटेर एक हजार ९ सय ६१ दशमलब ३७ विन्दुमा बन्द भएको हो ।

त्यस्तै, आज नेप्से परिसूचकसंगै कारोबार रकममा पनि गिरावट आएको छ । ७९ करोड ६८ लाख रुपैयाँ बराबरको कारोबार भएको छ । आज कारोबार भएका ७१ कम्पनीको शेयरमूल्य बढेको छ भने १५१ कम्पनीकोे शेयरमूल्य घटेको छ । ७ वटा कम्पनीको शेयरमूल्य स्थिर रहेको छ।

नेप्सेका अनुसार दुई कम्पनीको शेयरमूल्यमा उच्च वृद्धि भएको छ । एनएमबी माइक्रोफाइनान्स वित्तीय संस्था लिमिटेडको शेयरमूल्य १० प्रतिशतले बढेर प्रतिकित्ता ५६१ रुपैयाँ पुगेको छ भने नेरुडे लघुवित्त वित्तीय संस्थाको शेयरमूल्य ९.८५ प्रतिशतले बढेर प्रतिकित्ता ६४७ रुपैयाँ पुगेको छ ।