मोबाइल बैङ्किङबाट छ लाख ठगी गर्ने पक्राउ

१४२ पटक पढिएको

काठमाडौं, असोज १ गते। मोबाइल सेवा प्रदायक कम्पनीबाट सिमकार्ड आफ्नो नाममा नामसारी गरी छ लाख दुई हजार ५४८ रुपियाँ ठगी गर्ने २२ वर्षीय सरोज दिवालीलाई प्रहरीले पक्राउ गरेको छ।

काठमाडौँ उपत्यका अपराध अनुसन्धान कार्यालयका प्रवक्ता प्रहरी उपरीक्षक रवीन्द्र रेग्मीका अनुसार पीडितको मोबाइल नम्बर नामसारी गरी सोही नम्बरबाट मोबाइल बैङ्किङ एक्टिभ गरेर पीडितको बैङ्क खातामा पहुँच पुर्‍याएर दिवालीले सो रकम ठगी गरेका हुन्।

स्थायी घर काभ्रेपलाञ्चोक पाँचखाल नगरपालिका वडा नम्बर ६ भई हाल काठमाडौँको गोकर्णेश्वरमा बस्ने दिवालीलाई प्रचलित कानुन बमोजिम ठगी सम्बन्धी कसुरमा आवश्यक अनुसन्धान एवम् कारबाहीको लागि जिल्ला प्रहरी परिसर, टेकु पठाइएको प्रहरीले जनाएको छ।