आन्दोलनरत कर्मचारीलाई यथाशिघ्र कार्यालय फर्किन कावासोतीको अनुरोध

४०८ पटक पढिएको

नवलपुर अनलाइन, असोज २६। बिगत २ हप्तादेखि काठमाडौँ केन्द्रित आन्दोलनरत स्थानीय तहका कर्मचारीहरूलाई यथाशिघ्र कार्यालय कार्यमा फर्किन कावासोती नगरपालिकाले बिशेष सूचना जारि गरेको छ।

नगरपालिकाको बिकास निर्माण, भुक्तानी लगायत व्यक्तिगत घटनादर्ता लगायतका सेवाहरू अवरूद्ध भै ब्यापक जनगुनासो आएकोले आन्दोलनरत नगरपालिकाका सम्पूर्ण कर्मचारीहरूलाई यथाशिघ्र कार्यालयको कार्यमा फर्किन भन्दै नगर प्रमुख बिष्णु प्रसाद भुषालद्धारा बिशेष सूचना जारि गरिएको हो।

देशभरका स्थानीयतहका कर्मचारीहरू यतिबेला बिभिन्न माग राख्दै बिगत २ हप्तादेखि काठमाडौँ केन्द्रित आन्दोलन गर्दै आएका छन्।