भरतपुर महानगरपालिकाको फेसबुक पेज ह्याक

१३८ पटक पढिएको

चितवन। भरतपुर महानरगपालिकाको फेसबुक पेज ह्याक भएको पाइएको छ । ह्याकरले शनिवार महानगरको पेज ह्याक गरी अश्लिल साइटको लिङ्क राखेको छ ।

महानगरपालिकाले फेसबुक पेज ह्याक भएको बारेमा वेबसाइटमा कुनै पोस्ट राखेको देखिंदैन । ह्याक भएको उक्त पेजको स्टोरीमा माथि स्वाइप गरेर लिङ्क खोली पुरा भिडिओ हेर्नुहोस् भनिएको छ । तर, उक्त लिङ्क भने कुनै भिडिओको नभएर अबैध बेटिङ साइटको रहेको देखिन्छ ।

अन्तिम पटक महानगरले  सो फेसबुक पेजमा असोज १४ गते पोस्ट राखेको थियो । त्यसपछि केही समय निस्क्रिय रहेको उक्त पेजको स्टोरीमा अश्लिल सङ्केत देखिने पोस्ट राखेको देखिएपछि ह्याक भएको आशंका गरिएको हो ।