नवलपुरमा २७ हजार बालबालिकालाई भिटामिन ए र जुकाको औषधी खुवाईँदै

२१७ पटक पढिएको

नवलपुर जिल्लामा २६ हजार ९ सय १४ बालबालिकालाई कात्तिक १७ र १८ गते भिटामिन ए र जुकाको औषधि खुवाईँदै छ।

६ देखि ५९ महिनाका बालबालिकालाई भिटामिन ए र एक वर्षदेखि ५ वर्षसम्मका बालबालिकालाई जुकाको औषधि खुवाउन लागिएको हो ।

जिल्लामा १ वर्षदेखि ५ वर्षसम्मका २३ हजार ९ सय ३१ जनसंख्या रहेको स्वास्थ्य कार्यालय नवलपुरका प्रमुख केशव प्रसाद चापागाईले बताउनुभयो।

३५९ जना महिला स्वास्थ्य स्वयंसेविका मार्फत् औषधि खुवाउने अभियान सञ्चालन  हुने चापागाईले जानकारी दिनुभयो । प्रत्येक वडामा तोकिएको बुथमा गएर औषधि खुवाउन सकिनेछ ।