चितवन नारायणी महोत्सवमा उर्लियो जनसागर (फोटोफिचर)

२२१ पटक पढिएको

नवलपुर अनलाइन,मंसिर १६ – नारायणी नदी किनारमा मंसिरको ६ गतेदेखि सुरूभएको “चितवन नारायणी महोत्सव” मा आज अन्तिम दिन दर्शकको अत्यधिक भिडभाड रहेको थियो। चर्चित कलाकारहरु आउने भएसँगै आज शनिवार नारायणी नदी किनारमा दर्शकको जनसागर उर्लिएको थियो।

आज टिकट काउन्टरमै टिकट काट्न ५ देखि ७ वटा लाइनसँगै भिड छिचोलेर टिकट लिनसमेत दर्शकलाई धौधौ भएको थियो। एउटा टिकट काउन्टरबाट सम्भव नभएपछि नारायणी नदीकिनारबाट समेत टिकट काट्ने व्यवस्था गरिएको थियो।

आज कलाकारहरू रचना रिमाल, टिका प्रसाई, कमल क्षेत्री, राजन चावागाई (खैराँते) लगायतको बजोड प्रस्तुती रहेको थियो।

लागुऔषध विरुद्धको अभियानका लागि रिकभरिङ युनाईटेड प्रा.ली र औद्योगिक शान्ति नेपालले महोत्सव आयोजना गरेका हुन् । यही मंसिर ६ गते बुधवारबाट शुरु भएको महोत्सव आज सकिएको छ।

महोत्सका केही तस्बिरहरू: तस्बिर: प्रकाश भण्डारी