पौष २६ गतेदेखि रत्ननगर महोत्सव हुँदै

३५७ पटक पढिएको

चितवन । १२ औं रत्ननगर महोत्सव पौष २६ गतेदेखि माघ ८ गते सम्म सञ्चालन हुने भएको छ।

रत्ननगर उद्योग बाणिज्य संघको आयोजनामा संचालन हुन लागेको महोत्सवको प्रधानमन्त्री पुष्पकमल दाहाल प्रचण्डले उद्घाटन गर्ने कार्यक्रम रहेको आयोजकले जानकारी गराएकाे छ।

महोत्सवको संरक्षकमा रत्ननगर नगरपालिका रहेको छ। महोत्सव भव्य र सफल बनाउन तयारी तीब्र पारिएको संघका अध्यक्ष तथा महोत्सव मुल समारोह समितिका संयोजक शंकर गिरीले जानकारी दिए ।

महोत्सवमा बृहत् व्यावसायिक कृषि प्रदर्शनी तथा प्रतियोगिता, च्याउ,प्रविधि एवं मल बीउबिजन दुग्धजन्य पदार्थ, फलफुल, पोल्ट्री, ताजा तरकारी, थोपा सिँचाइ प्रविधि, केरा,  महसँगै यहाँ प्रवल सम्भावना भएका कृषि तथा पशुजन्य व्यवसाय प्रमुख प्राथमिकतामा रहेका छन्।

महोत्सव अवधिभर बिभिन्न बिषयसँग सम्बन्धित रहेर छलफलहरू समेत गरिने गिरिले बताए।