मध्यविन्दुमा आगलागीमा परि एकजना महिला घाईते

६२४ पटक पढिएको

मध्यविन्दु। नवलपुरमा आगो ताप्ने क्रममा अचानक लुगामा आगो सल्किन गई एकजना महिला घाईते भएकी छन्।

बिहान करिब ९:३० बजे नवलपुरको मध्यबिन्दु ५ पतवारीमा बस्ने बर्ष ७६ कि मन कुमारी बोहराले आफ्नै घरको भान्साकोठामा आगो ताप्ने क्रममा अचानक साडीमा आगो सल्किन गई घाईते भएकी हुन्।

आगो निभाउने क्रममा भान्साकोठाको छानो खरको रहेको हुनाले आगोले छानोमा भेटी आगोलागी हुदा संगै सटिएर रहेको निजकै गोठमा रहेको २ वटा बाख्राको पाठा पाठी जली घाईते भएको जिल्ला प्रहरी कार्यालय नवलपुरका प्रहरी निरिक्षक (सूचना अधिकारी) साजन कुमार शर्माले बताउनुभयो।

निज मन कुमारीको कम्मर देखी  मुनिको भागमा जलेको निजलाई उपचारको लागी मध्यविन्दु जिल्ला अस्पताल डण्डा लगिएको छ। उनको अवस्था मध्यम रहेको र उक्त आगो प्रहरी र स्थानिय द्धारा नियन्त्रणमा लिएको शर्माले जानकारी दिनुभयो। उक्त आगलागीबाट अन्दाजी एकलाख बराबरको क्षती भएको छ ।