आजदेखि क्याम्पाचौरमा रैथाने फुड फेस्टिबल, राष्ट्रिय कलाकारहरूको बेजोड प्रस्तुती

१७७ पटक पढिएको

अनिता गैरे। पौष १४ अर्थात आजदेखि चितवनको नारायणगढ स्थित क्याम्पाचौरमा रैथाने फुड फेस्टिबल तथा वृहत सांस्कृतिक कार्यक्रमको समुद्घाटन कार्यक्रम रहेको छ।

दिउसो ३ बजे भरतपुर महानगरपालिकाका उपप्रमुख चित्रसेन अधिकारी ज्यूबाट फुड फेस्टिबल तथा वृहत सांस्कृतिक कार्यक्रमको उद्घाटन गर्ने कार्यक्रम रहेको होटल व्यवसायी संघ चितवनका अध्यक्ष लोकनाथ भट्ट नवलपुर अनलाईनसँगको कुराकानीमा बताउनुभयो।

आयोजक संस्था होटल व्यवसायी संघ चितवनले अङ्ग्रेजी नयाँ वर्ष २०२४ तथा तमु ल्होसारको अवसरमा पुस १४ गतेदेखि १८ गतेसम्म फुड फेस्टिबलको आयोजना गरेको छ । फुड फेस्टिबलमा साना ठुला गरी ३९ वटा स्टल रहनेछन् । जसमा ३४ साधारण र ५ वटा विशेष स्टल रहनेछन् ।

फुड फेस्टिबलका लागि स्टल बुकिङ खुला गरिएको र साधारण स्टललाई २० हजार र विशेष स्टललाई ४० हजार रुपैयाँ शुल्क राखिएको होटल व्यवसायी संघ चितवनका अध्यक्ष लोकनाथ भट्ट बताउनुभयो।

फुड फेस्टिबलमा आज राष्ट्रिय कलाकारहरू पशुपती शर्मा, प्रिति आले तथा हास्य कलाकार सागर लम्साल बले र स्थानीय कलाकारहरूको बेजोड प्रस्तुती रहने भट्टले बताउनुभयो। अनु चौधरी, राष्ट्रिय लोक तथा दोहोरी प्रतिष्ठान चितवनका कलाकारहरु लगायत स्याडोज व्याण्डको प्रस्तुती सहित अन्य राष्ट्रिय तथा स्थानीय कलाकारहरुको प्रस्तुती रहनेछ।

थप समाचार: