नवलपुरमा भिरबाट लडेर एक महिलाको मृत्यु

बौदीकाली गाउँपालिका वडा २ खहरे घर भएकी ५८ वर्षीया निर्मला श्रेष्ठको शुक्रबार विहान ९ बजे घाँस काट्न गएका बखत भीरबाट लडेर ज्यान गएको हो ।

घर नजिकैको मिथुकरम सामुदायिक वनमा घाँस काट्न गएकी उनी अवेरसम्म घर नफर्केपछि खोजी गर्ने क्रममा आज बिहान भिरबाट लडेर चोटपटक लागेको अवस्थामा मृत फेला परेको जिल्ला प्रहरी कार्यालय नवलपुरका प्रनाउ बेद बहादुर पौडेलले जानकारी दिनुभयो।

उनी भिरबाट लडेर झण्डै २५ मिटर तल खसेको अवस्थामा फेला परेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ।