१३ किलो गाँजा सहित चितवनबाट एक महिला पक्राउ

१५५ पटक पढिएको

चितवन। १३ किलो लागुऔषध गाँजा सहित १ जना महिलालाई प्रहरीले पक्राउ गरेको छ।

चितवन माडी नगरपालिका २ घर भई हाल भरतपुर ३ स्थितमा कोठा भाडामा बस्ने बर्ष ४३ कि दुर्गा अधिकारीलाई वडा प्रहरी कार्यालय नारायणगढ चितवनले पक्राउ गरेको हो।
हिजो आइतबार दिउसो अन्दाजी ३:३० बजेको समयमा निजको कोठामा लुकाई छिपाई राखेको अवस्थामा लागुऔषध गाँजा १३ किलो गाँजा फेला परेको थियो।

निजलाई उक्त लागुऔषध गाँजा सहित नियन्त्रणमा लिई थप अनुसन्धान भईरहेको जिल्ला प्रहरी कार्यालय चितवनले जानकारी दिएको छ।