गभर्नरको नाममा खोलिएको ह्वाट्सएपबाट रकम असुली प्रयास !

१४९ पटक पढिएको

काठमाडौं । नेपाल राष्ट्र बैंकका गभर्नर महाप्रसाद अधिकारीको नामबाट खोलिएको ह्वाट्सएपबाट रकम असुली प्रयास भएको छ ।

अधिकारीकै नाम र तस्वीर राखिएको ह्वाट्सएप खाताबाट केन्द्रीय बैंककै उच्च तहका कर्मचारीहरूसँग रकम माग भएको हो । गभर्नरको नामबाट खोलिएको खाताबाट रकम माग भएको हल्ला फैलिएपछि राष्ट्र बैंकले सजग रहन आग्रह गर्दै सूचना नै जारी गरेको छ ।

सो सूचनामा लेखिएको छ, ‘गभर्नर श्री महाप्रसाद अधिकारीज्युको नाम र तस्वीर दुरुपयोग गर्दै ह्‍वाट्सएप एकाउन्ट बनाएर विभिन्न व्यक्तिहरूसँग संवाद गरेको पाइएकाले यसप्रति सजग रहन सम्बन्धित सबै सरोकारवाला र सर्वसाधारणमा अनुरोध गरिन्छ ।’

सो ह्वाट्सएप खाता ९८१४-४८६४४९ नम्बरबाट खोलिएको छ । ह्वाट्सएपबाट रकम माग कसले गर्‍यो भन्ने खुल्न सकेको छैन ।