काठमाण्डौँ जाँदै गरेको रात्रीबस देवचुलीमा दुर्घटना

१९३ पटक पढिएको

गैँडाकोट । नेपालगञ्जबाट काठमाण्डौँ जाँदै गरेको रात्रीबस नवलपुरको देवचुलीमा आज विहान ५ वजे दुर्घटनाहुँदा ४ जना यात्रु घाइते भएका छन् ।

४० जना यात्रु बोकेर आउदै गरेको भे १ ख ४१२८ नम्बरको बस देवचुलीको अस्थायी प्रहरीपोष्ट दलदले नजिकै राजमार्गमा पल्टिँदा ४ यात्रु घाइते भएको जिल्ला प्रहरी कार्यालय नवलपुरले जनाएको छ ।

घाइते हुनेहरुमा विदुर नगरपालिका वडा नं. ३ की कृतिका शाही,जलेश्वर नगरपालिका वडा नं. १ घर भएका शनि पाण्डे, जुम्ला घर भएकी २३ बर्षिया अनिता नेपाली र बारबर्दिया नगरपालिका वडा नं. ५ घर भएका ३० वर्षका सुदिप केसी रहेका छन् ।
घाइतेहरुलाई उपचारको लागि भरतपुर पठाइएको प्रहरीले जनाएको छ ।