नवलपुरमा ४० जना कुष्ठरोगी, गैँडाकोटमा मात्रै १६ जना

११९ पटक पढिएको

नवलपुरमा चालु आर्थिक वर्षको पुस मसान्तसम्म १६ जना नयाँ कुष्ठरोगीका बिरामी भेटिएका छन् ।

नयाँ फेला परेका कुष्ठरोगीमध्ये पुरुष १० जना र महिला ६ जना रहेको जनाइएको छ । नवलपुरमा हालसम्म ४० जना कुष्ठरोगी फेला परेको स्वास्थ्य कार्यालय नवलपुरले जनाएको छ।

अहिले गैँडाकोटमा १६ जना, देवचुलीमा ७ जना, कावासोतीमा ८ जना, विनयी त्रिवेणीमा ३ जना र मध्यविन्दुमा ५ जना कुष्ठरोगीले औषधी सेवन गरिरहनुभएको छ । चालु आर्थिक वर्षमा ८ जना निको भएको छ । जसमध्ये पुरुष ३१ र महिला ९ जना छन् ।

जिल्लामा प्रत्येक वर्ष कुष्ठरोगीको सङ्ख्या घट्दै गइरहेको भए पनि नवलपुरमा  नयाँ १६ जना थपिएको स्वास्थ्य कार्यालय नवलपुरले जनाएको छ ।

कुष्ठरोग माइक्रो ब्याक्टेरियम लेप्री नामक ब्याक्टेरियाद्वारा सर्ने एक प्रकारको ब्याक्टेरियल इन्फेक्सन हो । यसले मुख्य रूपमा नशा, हातखुट्टा, नाकको भाग र श्वास लिने तन्त्रलाई प्रभावित गर्नेगरेको भन्दै कुष्ठरोगले नशालाई क्षतिग्रस्त गर्नुका साथै छालामा घाउ पार्दै मांसपेशीलाई कमजोर बनाउँछ।