अपाङ्गता भएकी बालिकालाई बलात्कार गरेको अभियोगमा नवलपुरमा विद्यालयका आया पक्राउ

४३७ पटक पढिएको

नवलपुर। नवलपुरको देवचुलीमा रहेको जनज्योती नमुना विद्यालयमा अध्ययनरत अपाङ्गता भएकी बालिकालाई सोही विद्यालयका एक कर्मचारीले बलात्कार गरेको खुलेको छ ।

सोही विद्यालयको आया पदमा कार्यरत ५८ वर्षका रुक्मागत न्यौपानेले १३ वर्षकी बालिकालाई बलात्कार गरेको खुलेको हो । बालिका बलात्कारको जाहेरी परेपछि शुक्रबार प्रहरीले न्यौपानेलाई पक्राउ गरेको हो । बलिकामा सुनाइ सम्बन्धि अपाङ्गता भएको कारण उनी कान सुन्दिनन् ।

जिल्ला प्रहरी कार्यालय डिएसपी बेदबहादुर पौडेलका अनुसार बालिकाकी बुबाले जाहेरी दिएपछि न्यौपानेलाई पक्राउ गरि आइतवार नै अनुसन्धानको लागि जिल्ला अदालत नवलपुरबाट म्याद थप गरिएको छ ।