गैँडाकोट इङ्लिस स्कुलमा आज नि:शुल्क दन्त परिक्षण शिविर हुँदै

४९४ पटक पढिएको

गैँडाकोट । नवलपुरको गैँडाकोटमा रहेको गैंडाकोट इङ्लिस स्कुल र रोटरी क्लब अफ गैँडाकोटको संयुक्त आयोजनामा आज एकदिने नि:शुल्क दन्त परिक्षण शिविरको आयोजना गरिएको छ।

विहान १० वजेदेखि दिउसो १ वजेसम्म गैँडाकोट वडा नं. २ स्थित विद्यालय प्राङ्गणमा दन्त परिक्षण कार्यक्रम आयोजना गरिएको गैँडाकोट इङ्लिस स्कुलका प्राचार्य हिरालाल अर्यालले बताउनुभयो।

शिविरमा विद्यार्थी अभिभावक तथा सर्वसाधरण सबैले व्यक्ति स्वंयम उपस्थित भै आफ्नो नाम दर्ता गरि दन्त परिक्षण गर्न सक्नेछन्।

दन्त परिक्षणको प्राविधिक सहयोग गैँडाकोट डेन्टलले गरेको उहाँले बताउनुभयो । गैँडाकोट नगरपालिका भित्र “क” बर्गको एकमात्र संस्थागत विद्यालय गैँडाकोट इङ्लिस स्कुलले सामाजिक उत्तरदायित्व बेलाबखत स्वास्थ्य सँग सम्बन्धित जनचेतनामूलक कार्यक्रमहरु गर्दै आएको छ ।