गैँडाकोटमा सवारी दुर्घटना हुँदा चारजना घाईते

पूर्व पश्चिम राजमार्ग अन्तर्गतको गैंडाकोटको भृकुटी चोकमा यात्रुवाहक बसले स्कुटीलाई ओभरटेक गर्ने क्रममा एम्बुलेन्सलाई ठक्कर दिएको थियो।

नारायणगढबाट बर्दिया आउँदै गरेको बा.प्र.०६००१ ख ०१९६ नं को बसले सोही दिशाबाट आउँदै गरेको ना ३६ प ९०४५ नं को स्कुटरलाई ओभरटेक गर्ने क्रममा विपरित दिशाबाट गइरहेको ग १ च ७१५२ नम्बरको बिरामी बोकेको एम्बुलेन्समा ठक्कर दिएको थियो।

दुर्घटनामा एम्बुलेन्समा सवार मध्यबिन्दु १२ बस्ने ७५ बर्षीय मान बहादुर कुमाल गम्भिर घाइते भएका छन्। उनी डाइलाईसिसको बिरामी रहेको र उपचारका लागि चितवनतर्फ जाँदै गर्दा बसले ठक्कर दिएको हो।

एम्बुलेन्समा सवार ४० बर्षीय भोट बहादुर कुमाल,  ४५ बर्षीय सोम बहादुर कुमाल र स्कुटर चालक गैंडाकोट ६ बस्ने बर्ष ३३ का किशोर गौतम घाइते भएको जिल्ला प्रहरी कार्यालय नवलपुरले जनाएको छ। घाइतेहरू सबैको पुरानो मेडिकल कलेज भरतपुरमा उपचार भइरहेको छ। घटनाका बारेमा थप अनुसन्धान भैरहेको प्रहरीले बताएको छ।