बन्दीपुर केवलकारले शिव मूर्तिको प्राण प्रतिष्ठा गर्ने

१४२ पटक पढिएको

काठमाडौँ। महाशिवरात्रिको अवसरमा बन्दीपुर केवलकारले शिवको मूर्तिको प्राण प्रतिष्ठा तथा अभिषेक गर्ने भएको छ।

केबलकार चोक, ठूल्ढुङ्गा, बन्दीपुर (बटम स्टेसन) मा भगवान् शिवको मूर्तिको प्राण प्रतिष्ठा तथा अभिषेक गर्न लागेको हो।

सो दिन भजनसहित शिव धुनी कार्यक्रम पनि हुने हुँदा भक्तहरू र स्थानीयहरूलाई उक्त कार्यक्रमको उत्सवमा सामेल हुँदै महाशिवरात्रिले ल्याउने दिव्य ऊर्जामा सहभागी हुन र अभिषेक समारोहको साक्षी हुन कम्पनीले आमन्त्रित समेत गरेको हो।

यो धार्मिक कार्यक्रम मात्र नभई समुदायलाई नै एकताबद्ध हुन, एकता र साझा आध्यात्मिकताको भावना जगाउने माध्यम पनि रहेको हुँदा यस कार्यक्रमले विभिन्न समुदायका मानिसहरूलाई आकर्षित गर्ने अपेक्षा समेत कम्पनीले गरेको छ।

साथै बन्दीपुर केवलकार २०८१ वैशाख १ गते देखि सञ्चालनमा ल्याउन व्यापक रूपमा तयारी अगाडि बढिरहेको छ। सो परियोजना दक्षिण एसियामा नै मौलिक परियोजना भएको र निर्माण कार्य ९० प्रतिशत सम्पन्न भइसकेको कम्पनिको दाबी छ।

परियोजनाको लागत ३ अर्ब ५८ करोड रुपैयाँ रहेकोमा बैङ्क ऋण १ अर्ब ३ करोड रहेको कम्पनी का वित्तीय निर्देशक शिव प्रसाद शर्माले बताए।