भन्सार छलि ल्याइएको १४९ बोरा चिनी बरामद

पाल्हिनन्दन गाउँपालिका ५ गेर्मा स्थित भगतपुरा बस्ने सोमै गौँडले संचालन गरेको गुल्सन नितलेश राईस मिल उद्योगको गोदाम घरमा शंकास्पद रुपमा उक्त चिनीको बोराहरु बरामद भएको जिल्ला प्रहरी कार्यालय नवलपरासीका प्रहरी उपरीक्षक सदर्शन पन्थीले बताएका छन्।

जिल्ला प्रहरी कार्यालय नवलपरासी तथा राजश्व अनुसन्धान कार्यालयबाट खटिएको संयुक्त टोलीले १४९ बोरा अन्दाजी मूल्य रू. ५ लाख ९६ हजार बराबरको चिनी बरामद गरी आवश्यक कारवाहीको लागि राजश्व अनुसन्धान कार्यालय बुटवलमा पठाएको छ।

घटनाको बारेमा थप अनुसन्धान कार्य जारी रहेको पन्थीले बताए।