नवलपरासीमा भन्सार छलि ल्याएको ७ लाख रूपैँया बराबरको कपडा बरामद

१०२ पटक पढिएको

फागुन ३०। नवलपरासीमा भन्सार छलि ल्याएको ६ लाख रूपैँया बराबरको कपडा प्रहरीले बरामद गरेको छ।

आज दिउसो अन्दाजी १२:३० बजेको समयमा धनगढीबाट काकडभिट्टा जाँदै गरेको बा.प्र.०३-००१ ख २६४८ नं. को बसमा भन्सार छलि ल्याएको १४ बोरा लुगाहरु प्रहरीले नियन्त्रणमा लिएको जिल्ला प्रहरी कार्यालय नवलपरासीका प्रहरी नायब उपरीक्षक रेशम बोहराले बताउनुभयो। उक्त सामानको मूल्य अन्दाजी ७ लाख ३० हजार ३ सय रुपैँया बराबर रहेको छ।

उल्लेखित नम्बरको बसको पछाडीको डिक्कीमा १४ वटा बोरामा भन्सारछली कपडा ल्याईएको थियो।

कपडाहरु बरामद गरी इलाका प्रहरी कार्यालय सुनवल मार्फत आवश्यक कारवाहीको लागि महेशपुर भन्सार कार्यालयमा पठाईएको छ। घटनाको बारेमा थप अनुसन्धान कार्य जारी रहेको बोहराले बताउनुभयो।