बैंकिङ कसुर मुद्धाका फरार प्रतिवादी पक्राउ

१७१ पटक पढिएको

काठमाडौँ। बैंकिङ कसुर मुद्धाका फरार प्रतिवादीलाई प्रहरीले पक्राउ गरेको छ।

अफताव खानको जाहेरीले वादी नेपाल सरकार प्रतिवादी सुनसरी इटहरी न.पा.-५ घर भई ललितपुर सातदोबाटो बस्ने बर्ष ३६ की आशा चौधरी लिम्बु भएको बैंकिङ कसुर मुद्दामा फरार रहेकी प्रतिवादी आशा चौधरी लिम्बुलाई सातदोबाटोबाट प्रहरीले पक्राउ गरेको हो।

२ दिन कैद र जाहेरवालालाई बिगो तीन लाख भराई बिगो बमोजिम तीन लाख जरीवाना र क्षतिपुर्ती बापत पिडीत राहत कोषमा  बाह्र हजार जम्मा गराउने भनि २०७६ माघ ७ गते उच्च अदालत पाटन ललितपुरबाट फैसला भए पश्चात उनी फरार रहेकी थिइन्।

प्रतिवादी आशा चौधरी लिम्बुलाई सातदोबाटोबाट पक्राउ गरी मिति आज फैसला कार्यान्वयनको लागि ललितपुर जिल्ला अदालत लगनखेलमा पठाईएको काठमाडौँ उपत्यका अपराध अनुसन्धान कार्यालय मिनभवनका प्रहरी उपरीक्षक नकुल पोखरेलले बताउनुभयो।