गैँडाकोटबाट हराइरहेका बालक नारायणी नदीमा मृतफेला

४९६ पटक पढिएको

गैँडाकोट – गैँडाकोटबाट हराइरहेका एक बालक नारायणी नदीमा मृत अवस्थामा फेला परेका छन् ।

चैत्र २३ गते दिउसो ३ वजेदेखि हराइरहेका गैँडाकोट ५ आदर्श चोक बस्ने १३ बर्षिय अस्विन बस्याल नारायणी नदीमा मृत अवस्थामा भेटिएको इलाका प्रहरी कार्यालय गैँडाकोटले जनाएको छ ।

आज विहान ८ वजे बालकको शव एल्लो हाउस होटल नजिकै नारायणी नदीमा फेला परेको हो । शवलाई पोष्टमार्टमका लागि भरतपुर अस्पताल पठाइएको प्रहरीले जनाएको छ ।

बर्दघाटबाट बसाइसराइ गरि गैँडाकोट आएका अस्विन दुई दिदिहरुसँगै कोठा लिएर भाडामा बस्दै आएका थिए । अस्विनका बुवाआमा रोजगारीको शिलशिलामा विदेशमा रहनुभएको छ ।