जेठ ९ गते ग्रेस इन्टरनेसनल चितवनले “क्यानडा एड्मिसन डे” कार्यक्रम गर्दै

११८ पटक पढिएको

नवलपुर अनलाइन,जेठ २। ग्रेस इन्टरनेसनल एजुकेशनले जेठ ९ गते “क्यानडा एड्मिसन डे” कार्यक्रम गर्ने भएको छ।

कार्यक्रम मे २२ तारिख अर्थात जेठ ९ गते ग्रेस इन्टरनेसनल एजुकेशन एण्ड माइग्रेसन चितवनमा गर्न लागेको शाखा प्रमुख गणेश लामिछानेलाई बताउनुभयो। बिहान ११ बजेदेखि सुरू हुने कार्यक्रम बेलुकी ४ बजेसम्म संचालन हुनेछ।

आयोजक तथा ग्रेस इन्टरनेसनल एजुकेशन एण्ड माइग्रेसन चितवन शाखा म्यानेजर लामिछानेले भन्नुभयो- ‘विद्यार्थीहरुलाई सम्बन्धित विश्वविद्यालयका प्रतिनिधिहरुसँग प्रत्यक्ष भेटघाट, कुराकानी र विचार आदानप्रदानका लागि सजिलो होस् भन्नका लागि यस्तो फेयर सञ्चालन गरिएको हो ।’

कार्यक्रममा क्यानडाका रहेका बिभिन्न विश्वविद्यालय तथा कलेजका प्रतिनिधि र काउन्सलरहरूले बिधार्थीहरूलाई उनीहरूको शैक्षिक कागजात हेरि तत्कालै भर्ना गर्ने, प्रत्येक विद्यार्थीलाई छुट्टाछुट्टै राखेर काउन्सिलिङ्ग गर्ने, तथा नि:शुल्क रजिष्ट्रेशनको व्यवस्था सँगसँगै पछिल्लो समय क्यानडामा पढ्न जाँदा अपनाउनुपर्ने बिभिन्न कानुनी तथा नियमहरू र संलग्न गर्नुपर्ने कागजात बारेपनि सो एड्मिसन डे मै विद्यार्थीलाई जानकारी गराईनेछ।

नेपालको तुलनामा विदेशी शिक्षा राम्रो र शिक्षासंगै विभिन्न अवसरहरु पनि पाइने भएकोले प्लस–टु सकेर उच्च शिक्षा हासिल गर्न नेपाली विद्यार्थीहरुको प्रमुख गन्तव्य मध्ये क्यानडा पनि रहेको उहाँ बताउनुहुन्छ।

ग्रेस इन्टरनेसनल एजुकेशनले यस्तो प्रकारको एडुफेयर हरेक वर्ष सञ्चालन गर्दै आएको उहाँले बताउनुभयो। ग्रेसको नयाँ बानेश्वर काठमाडौँमा प्रधान कार्यालय रहेको छ भने नेपालका ६ ठाउँमा शाखा बिस्तार गरेको छ। नेपाल बाहेक भारत पाकिस्तान केन्या र बंगलादेशमा समेत शाखा रहेका छन् भने सिड्नी अष्ट्रेलियाबाट कर्पोरेट शाखा र मेलबर्नबाट क्षेत्रीय शाखाको रूपमा काम गरिरहेको छ।