गैँडाकोटमा बोलेरोको ठक्करबाट साईकल यात्री घाईते

गैँडाकोट नगरपालिका सोह्र नम्बर चोकमा चोरमाराबाट हेटौडा तर्फ जादै गरेको लु ३ च ५२७१ नं. को बलेरोले बाटो क्रस गर्दै गरेको साईकललाई ठक्कर दिएको थियो।

ठक्करबाट साईकल चालक सोही ठाउँ बस्ने बर्ष २० को प्रवेश शर्मा घाईते भई उपचारको लागि नयाँ मेडिकल कलेज भरतपुर चितवन तर्फ पठाईएको छ।

घाईतेको दाहिने कानको पछाडिको भागमा चोट लागेको र उनको अवस्था मध्यम रहेको अस्थायी प्रहरी पोष्ट बेल्डियाले जानकारी गराएको छ। ठक्कर दिने बोलेरो र चालकलाई  प्रहरीले नियन्त्रणमा लिई थप अनुसन्धान गरिरहेको छ।