गैंडाकोटको थुम्सीमा सडक भासियो, नारायणगढ बुटवल सडकखण्ड अवरूद्ध

६८२ पटक पढिएको

गैंडाकोट, जेठ १५। गएराति परेको बर्षाका कारण गैंडाकोट थुम्सि स्थित ओरालोमा सडक भासिँदा नारायणगढ बुटवल सडकखण्ड अवरूद्ध भएको छ।

गैडाकोट ९ थुम्सी स्थित पूर्व-पश्चिम राजमार्गको ओरालोमा बर्षाको कारण राति करिब २ बजेदेखि सडक अवरूद्ध भएको हो।

पश्चिम परासीबाट पूर्व नारायणगढ तर्फ आउदैँ गरको लु १ ख ८५१३ नं.को यात्रुवाहक बसले अचानक ब्रेक लगाउने क्रममा बस भित्र रहेका यात्रुहरु हुत्तिएर बसभित्र ठोक्किन जाँदा ८ जना घाईते भएका छन्। घाईते हुनेहरूको नामावली यस प्रकार छ।

१. जि.न.प.(पश्चिम) सरावल गा.पा.-२ बस्ने बर्ष ४० कि कुन्ती देवी चौधरीको निधारमा चोट, अवस्था सामान्य ।
२. ऐ.बस्ने बर्ष ७० कि चम्पा थारुको च्यापुमा चोट, अवस्था सामान्य ।
३. ऐ.बस्ने बर्ष ५७ को देवकी चौधरीको दाहिने घुँडामा सामान्य चोट ।
४. ऐ.बस्ने बर्ष ७५ कि कलेसि थारुको निधारमा सामान्य चोट ।
५. ऐ.बस्ने बर्ष ६५ कि गर्भी देवी थरुनीको निधारमा सामान्य चोट ।
६. ऐ.बस्ने बर्ष ६७ को भेषनारायण थारुको निधारमा चोट, अवस्था सामान्य ।
७. ऐ.बस्ने बर्ष ५६ कि कान्ती देवी थरुनीको घुँडामा सामान्य चोट ।
८. ऐ.बर्दघाट न.पा.-१२ बस्ने बर्ष ४३ कि सन्जी देवी थरुनीको नाकमा चोट, अवस्था सामान्य ।

सामान्य घाईते यात्रुहरुको  उपचारको लागि नयाँ मेडिकल कलेज, चितवन ल्याएकोमा सामान्य उपचार पश्चात सबै जना यात्रुहरु डिष्चार्ज भएका छन्।

तत्काल घट्नास्थलमा प्रहरी टोली खटी गई सडक खुलाउने र सोहि ठाँउमा पश्चिमबाट पूर्व गैंडाकोटतर्फ आउने क्रममा फसेको ट्रक हटाउने कार्य भईरहेको सडक हाललाई दुवै तर्फी अवरुद्ध रहेको र आकस्मिक रुपमा आएका एम्बुलेन्सहरुलाई सडक छेउबाट क्रस गराउने कार्य भईरहेको जिल्ला प्रहरी कार्यालय नवलपुरले जानकारी दिएको छ।