गैँडाकोट स्थित नारायणी नदीमा दुई पुरूषको शव फेला

३७६ पटक पढिएको

असार २९, गैँडाकोट। गैँडाकोट स्थित नारायणीमा दुई पुरूषको शव फेला परेको छ।

गैँडाकोट नगरपालिका वडा नं ७ गैरिस्थित नारायणी नदीको बिचमा रहेको टापुमा नदीले बगाएर ल्याएको अवस्थामा दुई पुरूषको शव फेला परेको इलाका प्रहरी कार्यालय गैँडाकोटका प्रहरी निरिक्षक हस्त बहादुर सुनारले बताउनुभयो।

दिउसो अन्दाजी ३:३० बजेको समयमा स्थानियहरुले प्रहरीलाई खबर गरे पश्चात  इलाका प्रहरी कार्यालय गैँडाकोटका प्र.नि हस्त बहादुर सुनारको कमाण्डमा SOCO सहित ५ जनाको टोली घटनास्थलमा पुगेको थियो।

अन्दाजी २० र ३० बर्षको जस्तो उमेरका देखिने दुईवटा शव करिव १० मिटरको दुरिमा फेला परेका थिए। एकजनाको शव भने बालुवाले पुरिएको अवस्थामा फेला परेको र दुवै लासको घटनास्थल प्रारम्भिक अनुसन्धान कार्य भईरहेको सुनारले बताउनुभयो। शवलाई शनाखत गर्ने प्रयोजनका लागि जिल्ला प्रहरी कार्यालय चितवन पठाउने तयारी रहेको छ।

उनीहरू सिमलतालस्थित नारायणगढ–मुग्लिन सडकमा दुर्घटनामा परेको बसको यात्रु भएको अनुमान समेत गरिएको छ। यस अघि भरतपुर महानगरपालिकाको वडा नं २८ गोलाघाट क्षेत्र भेटिएको ऋृषि पाल साह बसमा सवार यात्रु भएको प्रमाणीत भएको थियो । मृतकका दाईले सो शव समेत बुझिसकेका छन् ।

थप समाचार:

भरतपुरको गोलाघाटमा भेटियो एक यात्रुको शव