नारायणगढ देखि डण्डा जाँदै गरेको बसबाट ओर्लने क्रममा लडेर एकजना घाइते

८९७ पटक पढिएको

गैँडाकोट, साउन ३०। नारायणगढ देखि डण्डा जाँदै गरेको बसबाट ओर्लने क्रममा लडेर एकजना घाइते भएका छन्।

बिहान १० बजे गैंडाकोट १४ अमरापूरी चोक स्थित पूर्व पश्चिम राजमार्गमा चितवनबाट डण्डा तर्फ जादै गरेको ना ७ ख १५५४ नं.को बसमा सवार गैंडाकोट १४ भेलेन्टाँडी बस्ने बर्ष ५५ को रामभक्त आचार्य झर्ने क्रममा लडी घाइते भएको जिल्ला प्रहरी कार्यालय नवलपुरले बताएको छ।

घाइते आचार्यलाई उपचारको लागी नयाँ मेडिकल कलेज (CMC) भरतपूर चितवन पठाइएको छ।  घाइतेको बाँया घुँडामा चोट लागेको र निजको अवस्था मध्यम रहेको प्रहरीले जानकारी दिएको छ।

उपचारमा सोही बसको सहचालक संलग्न रहेको र घटनास्थलमा प्रहरी टोली खटी गइ चालक चितवन भरतपुर २ क्षेत्रपूर बस्ने बर्ष ३४ को दिपक गुरुङ र बस नियन्त्रणमा लिइएको प्रहरीले बताएको छ। घटनाको बारेमा थप अनुसन्धान भैरहेको छ।